بسم الله الرحمن الرحيم
اللهم صل على محمد وال محمد
.. سهرة مع إبليس ..
للشاعر جابر الكاظمي
گبل يومين ليلة واحد بشعبان -مثل كل يوم أگضي ليلتي سهران
أبحر للنجوم أنطر نجم سعدي - وطضج وردي بعيني والسعد ما بان
وعلى طبعي إلصحبني من زغر سني - أگضي الليل بين مهافت الأوزان
وآنه ويا القوافي مناشد على الآه - وعلى ظيم السفينة الفاجدة السفان
مرة أبچي على حالي ومرة أتغنى - غنى إلعايش بغربة مو غنى البطران
وگبل ما أبدي وأكتب صدر أول بيت - لن وافد لفاني يطوح بركبان
لفاني وگرب يمي لن شبح ميشوم - كل خطوة إليذبها محايل وبهتان
منهو إنت وشجابك بهذا الليل - گال إبليس آنه جيت إلك سلوان
گتله وكمش من لعنة الله عليك - يل فرگاك عيد وشوفتك أحزان
أبو مرة زعل مني وخزرني بغيظ - مثل الذيب الأمعط لو خزر زعلان
گال شمالك إنت وياي يبن آدم - علي ترمي الشتايم واللعن ألوان
تعال إگعد وخل نتحاسب آنه وياك - وخل بينك وبيني يحكم الوجدان
أنا الباري أمرني أسجد لآدم - وما نفذت أمر الخالق الديان
گلت يا ربي آنه أسجد لوجهك - لچن كلفة علي ما أسجد لإنسان
خلقت آدم يا ربي بقدرتك من طين - وآنه إلي خلقتني من سنى النيران
غضب رب الجلالة وگال روح إبعد - وطردني من العبودية ورحت ندمان
هذه قصتي ويا الباري يا إبن آدم - هالنوبة إرجع لقصتك يا بو فلان
من قابيل أبديها إلچتل هابيل - شلون إنسفك دمه ذولة موش أخوان
هم آنه الذي يوسف رميتها ببير - لو أخوته وتالي تهموا السرحان
هم آنه إگطعت منحر نبي يحيى - نبي وينذبح ما تجاوبني ذنبه شچان
هم آنه إلگلت يا ناس إعبدوني مثل - فرعون وإتحدى قوى الرحمن
هم آنه إلردت أغدر نبي موسى - يوم إلي گلب ذيچ العصى ثعبان
هم آنه إلردت أصلب نبي عيسى - على ذاك الصليب گبال أهل نجران
هم آنه إلجبت وحشي على الحمزة - وكلت چبده مثل زوجة أبو سفيان
وحگ ربي إلتعبده الناس ين آدم - شفت منك مصيبة تشيب الرضعان
إبن بضعة نبيك طاح بأرض الطف - وجسمه بلا چفن وتچفن بتربان
وبني جنسه إعتنت من كل مهب وصوب - على چتله صدت أمواج من فرسان
عگب چتله إنحمل فوگ الرمح راسه - وصدر حسين صار لخيلهم ميدان
يا إبن آدم عگب ما وذروا جسمه - على أيتام وحراير حرگوا الصيوان
هم آنه إلگلت إگطع نزاع الگوم - يا حرملة وروح إضرب طفل عطشان
هم آنه إلسبيت أطفال فوگ النوگ - ويسيرة بت علي وتوگف وسط ديوان
شكثر من عگب چتل حسين أهل بيت - شافوا محن وهموم وغصص وأشجان
أشكر ربي چي لأنه خلقني إبليس - وما سواني واحد من بني مروان
ما أذكر لك شعملت بني العباس - روح إنشد عليها السجن والزنان
جرايم لون أذكرها المقام يطول - ومن همها يطيح على الأرض فهلان
آنه أدري شتريد تگول يا أبن آدم - تگول الماضي ولى وإنگضت أزمان
وإحنه بالتطور والعلم صرنه - وراح الجهل وأهله وگوض الطغيان
يا طغيان هذا إلراح يبن آدم - راح لروسيا إلي هدمت الشيشان
يا دولة الذي ما بيها ظيم وجور - وياهي إلي ياخذك عنها هوه النسيان
بالهند المجاعة تريد تنساها - لو حرگ المساجد بأرض باكستان
لو تنسى مذابحها گبل عامين - وبشيعة علي شعملت أفغانستان
لو تنسى اللقيطة إلتسرح وتمرح - ما بين الجنوب وهضبة الجولان
شتنسى البوسنة لو مذبحة قانا - لو تنسى المآسي إلجرت بالسودان
لو تنسى العراق شحل عليه من ظيم - وبسجن الطواغي ترزح الشبان
وفوگاها الحصار عليه من كل صوب - وشعب العزة صار إسمه شعب جوعان
وإلتترجى منهم خير للتحرير - للهدم بلدهم أصبحوا أعوان
يبن آدم قضيتك أصبحت سلعة - وتجارة وضرب أموال وسفر بلدان
كل هذه وتگول إبليس يا ملعون - شعندي وياك يبن آدم يا عالي الشان
آدم نبي وما طخيت إله راسي - وإنت تسجد وتركع للأمريكان
هاي أمريكا هاي إلبيها تتبجح - طلعت بالمذلة من أرض لبنان
وأختمها وأودعك بعد يبن آدم - چنك ما تريد لسهرتك سلوان
لچن عندي وصية وياك من تلعن - إلعن نفسك ولا تلعن الشيطان
لشاعر الاديب / جابر الكاظمي
.. سهرة مع إبليس ..
للشاعر جابر الكاظمي
گبل يومين ليلة واحد بشعبان -مثل كل يوم أگضي ليلتي سهران
أبحر للنجوم أنطر نجم سعدي - وطضج وردي بعيني والسعد ما بان
وعلى طبعي إلصحبني من زغر سني - أگضي الليل بين مهافت الأوزان
وآنه ويا القوافي مناشد على الآه - وعلى ظيم السفينة الفاجدة السفان
مرة أبچي على حالي ومرة أتغنى - غنى إلعايش بغربة مو غنى البطران
وگبل ما أبدي وأكتب صدر أول بيت - لن وافد لفاني يطوح بركبان
لفاني وگرب يمي لن شبح ميشوم - كل خطوة إليذبها محايل وبهتان
منهو إنت وشجابك بهذا الليل - گال إبليس آنه جيت إلك سلوان
گتله وكمش من لعنة الله عليك - يل فرگاك عيد وشوفتك أحزان
أبو مرة زعل مني وخزرني بغيظ - مثل الذيب الأمعط لو خزر زعلان
گال شمالك إنت وياي يبن آدم - علي ترمي الشتايم واللعن ألوان
تعال إگعد وخل نتحاسب آنه وياك - وخل بينك وبيني يحكم الوجدان
أنا الباري أمرني أسجد لآدم - وما نفذت أمر الخالق الديان
گلت يا ربي آنه أسجد لوجهك - لچن كلفة علي ما أسجد لإنسان
خلقت آدم يا ربي بقدرتك من طين - وآنه إلي خلقتني من سنى النيران
غضب رب الجلالة وگال روح إبعد - وطردني من العبودية ورحت ندمان
هذه قصتي ويا الباري يا إبن آدم - هالنوبة إرجع لقصتك يا بو فلان
من قابيل أبديها إلچتل هابيل - شلون إنسفك دمه ذولة موش أخوان
هم آنه الذي يوسف رميتها ببير - لو أخوته وتالي تهموا السرحان
هم آنه إگطعت منحر نبي يحيى - نبي وينذبح ما تجاوبني ذنبه شچان
هم آنه إلگلت يا ناس إعبدوني مثل - فرعون وإتحدى قوى الرحمن
هم آنه إلردت أغدر نبي موسى - يوم إلي گلب ذيچ العصى ثعبان
هم آنه إلردت أصلب نبي عيسى - على ذاك الصليب گبال أهل نجران
هم آنه إلجبت وحشي على الحمزة - وكلت چبده مثل زوجة أبو سفيان
وحگ ربي إلتعبده الناس ين آدم - شفت منك مصيبة تشيب الرضعان
إبن بضعة نبيك طاح بأرض الطف - وجسمه بلا چفن وتچفن بتربان
وبني جنسه إعتنت من كل مهب وصوب - على چتله صدت أمواج من فرسان
عگب چتله إنحمل فوگ الرمح راسه - وصدر حسين صار لخيلهم ميدان
يا إبن آدم عگب ما وذروا جسمه - على أيتام وحراير حرگوا الصيوان
هم آنه إلگلت إگطع نزاع الگوم - يا حرملة وروح إضرب طفل عطشان
هم آنه إلسبيت أطفال فوگ النوگ - ويسيرة بت علي وتوگف وسط ديوان
شكثر من عگب چتل حسين أهل بيت - شافوا محن وهموم وغصص وأشجان
أشكر ربي چي لأنه خلقني إبليس - وما سواني واحد من بني مروان
ما أذكر لك شعملت بني العباس - روح إنشد عليها السجن والزنان
جرايم لون أذكرها المقام يطول - ومن همها يطيح على الأرض فهلان
آنه أدري شتريد تگول يا أبن آدم - تگول الماضي ولى وإنگضت أزمان
وإحنه بالتطور والعلم صرنه - وراح الجهل وأهله وگوض الطغيان
يا طغيان هذا إلراح يبن آدم - راح لروسيا إلي هدمت الشيشان
يا دولة الذي ما بيها ظيم وجور - وياهي إلي ياخذك عنها هوه النسيان
بالهند المجاعة تريد تنساها - لو حرگ المساجد بأرض باكستان
لو تنسى مذابحها گبل عامين - وبشيعة علي شعملت أفغانستان
لو تنسى اللقيطة إلتسرح وتمرح - ما بين الجنوب وهضبة الجولان
شتنسى البوسنة لو مذبحة قانا - لو تنسى المآسي إلجرت بالسودان
لو تنسى العراق شحل عليه من ظيم - وبسجن الطواغي ترزح الشبان
وفوگاها الحصار عليه من كل صوب - وشعب العزة صار إسمه شعب جوعان
وإلتترجى منهم خير للتحرير - للهدم بلدهم أصبحوا أعوان
يبن آدم قضيتك أصبحت سلعة - وتجارة وضرب أموال وسفر بلدان
كل هذه وتگول إبليس يا ملعون - شعندي وياك يبن آدم يا عالي الشان
آدم نبي وما طخيت إله راسي - وإنت تسجد وتركع للأمريكان
هاي أمريكا هاي إلبيها تتبجح - طلعت بالمذلة من أرض لبنان
وأختمها وأودعك بعد يبن آدم - چنك ما تريد لسهرتك سلوان
لچن عندي وصية وياك من تلعن - إلعن نفسك ولا تلعن الشيطان
لشاعر الاديب / جابر الكاظمي