بسم الله الرحمن الرحيم
اللهم صل على محمد وال محمد
.. ما أعرف نهار يومي ..
ما أعرف نهار يومي من الماضي شمس
ولمن أمس الجمر ما أدري بيدي شمس
ولو ردت أمسك بالعتاب حبيبي شمس
يا مفجر دموع عيني من المنادم فجر
حبل المودة بيمينك يا حبيبي فجر
بليل شفتك لچن صليت فرض الفجر
من حيث أنوار وجهك تزهي مثل الشمس
الشمس فرحانة نزعت كل ثياب الهم - وبعد هيهات بين غيوم تتلثم
نزعت ثوب همها وذلة الأكدار - ما تقبل بثوب الذلة تتحجم
الشمس ربنه رفعها بقدرته وشانه - لأعنان السمه ما صعدت بسلم
وإنت يا رعاك الخالق بلطفه - رفعك ربي إلي صلى عليكم وسلم
وإحنه منك تعلمنه يا الموعود - بحلمنه نبدد غيوم الكدر والغم
فضلك عالبشر فضل الشمس عالگاع - لا تهمك يا غالي حچاية إبن آدم
أعرفنك جبل ما يهمك الزلزال - ولا يهزك نسيم الصبح لو نسم
أسد ما تهز عزمك ركضة الغزلان - ولا عوية الذيب تفزز الضيغم
نسر والنسر طبعه لو صعد بالجو - لو خفگ جنح عصفور ما يهتم
منجم والذهب مهما صبح غالي - يظل فضل الذهب مردود للمنجم
بحر والبحر لمن تغضب أمواجه - ما تهمه السفن والموج يتلاطم
والأنهار مهما تجري هالأنهار - لابد تجف لچن ما يجف زمزم
شمس والشمس ما تتغطى بالغربال - وما يهمها لون ليل الوكت عتم
هاي الحكم والأمثال گالوها - للما عنده راي وبيه يتحكم
لا يا المهدي لا تهتم چثيرة - إلمرت النكبات بيها وضاگت العلگم
وچثيرة إلمر عليها الظيم يا الموعود - وجرعت صبر لاهو صبر لا سم
وهذه غيبتك لابد فرج إلها - وتطلع من مغيبك يا حليف الهم
لا لا لا يا المهدي لا تهتم مهو الباري - جعلك خازن أسراره وكاشف المبهم
تخفى عليك حاشى شلون تخفى- عليك وإنت إلعارف بكل خافية وتعلم
منت إبن الذي جسمه طاح بالمحراب - صريع وشيبه مخضوب بمسيل الدم
منت إبن إلعليها شنوا الغارة - وضلع منها إنكسر بالباب وإتهشم
منت إبن إلي باحوا دمه بأرض الطف - وتگطع بالمراهف جسمه وتخذم
منت إبن العليل ويسروه الگوم - عگب ما حرگوا على أطفاله المخيم
زمانك رحم أجدادك يا بو صالح - حتى بيك تترجى الزمن يرحم
لابد ما يعجل أمرك الباري - وراية علي بچفك تعتلي وتنزم
وكل إحنه يا بو الطيبات ننتظرك - وجرحنه بالضماير صار يتكتم
لا يا المهدي لا تهتم وأعاهد آنه - هم مثلك أظل صابر وما أهتم
البحر ما يهمه لو نكرته أنهاره - يظل إسمه بحر والموج يتلاطم
الشمس ما يهمها لو سموها ما سموا - تظل هيه شمس كل فجر تتبسم
الدرة ما يهمها برخص من تنباع - وإلبدل الدرة بفحم يتندم
بعدني ذاك أنا الخادم لأهل البيت - ومن عندكم يا شبل الحسن أتعلم
ما تفرحني چلمة مدح من مادح - ولا همني إليذمني بالگفى لو ذم
من طبعي أحافظ عالملح والزاد - وصديجي لو تألم گبله أتألم
وگطرة ماي لو يسگوني ما أنسى - فضل أعتبره واجب رده ومحتم
وصديجي لو نخاني گال أنا مجروح - أعصر إله عيوني للجرح بلسم
وأبدي بالسلام آنه ويا كل الناس - حتى إلي جزاني وفات ما سلم
وعدوي لو أشوفه طايح بشدة - أعينه ويبگى سره بالگلب منضم
وما أنسى وصايا إلبيها وصوني - أهل بيت الرسول المصطفى الأكرم
وأنا يا المهدي وياك على حد الموت - أي وإلسال دمه بعشرة محرم
وأختمها بدعاء وأسأل الباري - يعجل طلعتك والفرح يتّمم
بجاه إلضرب مرحب والعرش ناداه - عاشت يمنتك يا حيدر وتسلم
لشاعر الاديب / جابر الكاظمي
اللهم صل على محمد وال محمد
.. ما أعرف نهار يومي ..
ما أعرف نهار يومي من الماضي شمس
ولمن أمس الجمر ما أدري بيدي شمس
ولو ردت أمسك بالعتاب حبيبي شمس
يا مفجر دموع عيني من المنادم فجر
حبل المودة بيمينك يا حبيبي فجر
بليل شفتك لچن صليت فرض الفجر
من حيث أنوار وجهك تزهي مثل الشمس
الشمس فرحانة نزعت كل ثياب الهم - وبعد هيهات بين غيوم تتلثم
نزعت ثوب همها وذلة الأكدار - ما تقبل بثوب الذلة تتحجم
الشمس ربنه رفعها بقدرته وشانه - لأعنان السمه ما صعدت بسلم
وإنت يا رعاك الخالق بلطفه - رفعك ربي إلي صلى عليكم وسلم
وإحنه منك تعلمنه يا الموعود - بحلمنه نبدد غيوم الكدر والغم
فضلك عالبشر فضل الشمس عالگاع - لا تهمك يا غالي حچاية إبن آدم
أعرفنك جبل ما يهمك الزلزال - ولا يهزك نسيم الصبح لو نسم
أسد ما تهز عزمك ركضة الغزلان - ولا عوية الذيب تفزز الضيغم
نسر والنسر طبعه لو صعد بالجو - لو خفگ جنح عصفور ما يهتم
منجم والذهب مهما صبح غالي - يظل فضل الذهب مردود للمنجم
بحر والبحر لمن تغضب أمواجه - ما تهمه السفن والموج يتلاطم
والأنهار مهما تجري هالأنهار - لابد تجف لچن ما يجف زمزم
شمس والشمس ما تتغطى بالغربال - وما يهمها لون ليل الوكت عتم
هاي الحكم والأمثال گالوها - للما عنده راي وبيه يتحكم
لا يا المهدي لا تهتم چثيرة - إلمرت النكبات بيها وضاگت العلگم
وچثيرة إلمر عليها الظيم يا الموعود - وجرعت صبر لاهو صبر لا سم
وهذه غيبتك لابد فرج إلها - وتطلع من مغيبك يا حليف الهم
لا لا لا يا المهدي لا تهتم مهو الباري - جعلك خازن أسراره وكاشف المبهم
تخفى عليك حاشى شلون تخفى- عليك وإنت إلعارف بكل خافية وتعلم
منت إبن الذي جسمه طاح بالمحراب - صريع وشيبه مخضوب بمسيل الدم
منت إبن إلعليها شنوا الغارة - وضلع منها إنكسر بالباب وإتهشم
منت إبن إلي باحوا دمه بأرض الطف - وتگطع بالمراهف جسمه وتخذم
منت إبن العليل ويسروه الگوم - عگب ما حرگوا على أطفاله المخيم
زمانك رحم أجدادك يا بو صالح - حتى بيك تترجى الزمن يرحم
لابد ما يعجل أمرك الباري - وراية علي بچفك تعتلي وتنزم
وكل إحنه يا بو الطيبات ننتظرك - وجرحنه بالضماير صار يتكتم
لا يا المهدي لا تهتم وأعاهد آنه - هم مثلك أظل صابر وما أهتم
البحر ما يهمه لو نكرته أنهاره - يظل إسمه بحر والموج يتلاطم
الشمس ما يهمها لو سموها ما سموا - تظل هيه شمس كل فجر تتبسم
الدرة ما يهمها برخص من تنباع - وإلبدل الدرة بفحم يتندم
بعدني ذاك أنا الخادم لأهل البيت - ومن عندكم يا شبل الحسن أتعلم
ما تفرحني چلمة مدح من مادح - ولا همني إليذمني بالگفى لو ذم
من طبعي أحافظ عالملح والزاد - وصديجي لو تألم گبله أتألم
وگطرة ماي لو يسگوني ما أنسى - فضل أعتبره واجب رده ومحتم
وصديجي لو نخاني گال أنا مجروح - أعصر إله عيوني للجرح بلسم
وأبدي بالسلام آنه ويا كل الناس - حتى إلي جزاني وفات ما سلم
وعدوي لو أشوفه طايح بشدة - أعينه ويبگى سره بالگلب منضم
وما أنسى وصايا إلبيها وصوني - أهل بيت الرسول المصطفى الأكرم
وأنا يا المهدي وياك على حد الموت - أي وإلسال دمه بعشرة محرم
وأختمها بدعاء وأسأل الباري - يعجل طلعتك والفرح يتّمم
بجاه إلضرب مرحب والعرش ناداه - عاشت يمنتك يا حيدر وتسلم
لشاعر الاديب / جابر الكاظمي